Nannih cu thla nan cam tikah, nan innkhan chungah va lut uh law, innka vaa kharhkhumh hna uh law, cutincun hmuh khawh lomi nan Pa sinah khan va cam uh. Cun a thli tein nan tuah mi a hmutu nan Pa nih khan Laksawng an pek hna lai.
Thla nan cam tikah, Pathian bia lomi hna nih sullam a ngei set lomi bia tampi an hman bantukin va hmang ve hlah uh; Annih nih cun kan thlacam a sau ruangah hin Pathian nih a kan theihpiak deuh lai tiah an ruah. Annih bantuk cun va tuah hlah u, zeicahtiah nan Pa nih cun nan hal hlan in nan herhmi cu a hngalh cia ko.
Cucaah hi bantukin thla nan cam awk a si:
Aa ruangin:
Vancung khua i a um kan Pa,
Na min updatnak um ko seh,
Na Pennak tlung cang ko seh,
Vancung bantukin leicung ah na duhnak tling cang ko seh,
Pawcawmnak khim in nifa rawl kan pe ko sawh,
Mi nih kan cung i an sual tikah kan ngaihthiam hna bangin,
Kan sualnak kha kan ngaithiam ve tuah.
Sual forhnak ah tel ve loin thatlonak vialte chungin kan khamh tuah,
Pennak nawl le liangngannak le updatnak kha a zungzal na cungah um ko seh, Amen.
Jesuh nih bia a chim dih cun vanlei kha a zoh i :
Aa ruangin:
Ka Pa, Caan kha a cu cang, Na Fapa nih sunparnak kan pek ve nakhnga , Na Fapa cu sunparnak ka pe ko.
Na ka pekmi vialte hna cu zungzal nunnak ka pek hna nakhnga, mi vialte cung i nawlngeihnak cu na ka pek cang. Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu asi.