Jesuh cu Galiliram ah khan khual a tlawng i Pathian sinin a rami Thawngtha kha a chimh hna. A caan kha a phan cang, Pathian pennak cu a phan dengmang cang.
“Nan sualnak kha kaltak hna u law Thawngtha kha zum tuah u,” tiah a ti hna.
Jesuh nih tahchunhnak bia a dang pakhat a chimh than hna.
“Vancung pennak cu mipa nih aa lak i a lo ah a tuhmi antam ci bantuk a si.
Thlaici vialte lakah a hme bik a si;
Sihmanhsehlaw a tthan tikah anhringso kung vialte lakah a ngan bik a si. Thingkung ah a cang i a nge ah khan va zong nih bu an ser,” tiah a ti.
Jesuh nih tahchunhnak bia a dang a chimh hna.
“Vancung pennak cu thilnu he aa lo. Cu thilnu cu nu pakhat nih aa lak i changvut rel khat ah khan a cawh i cu changvut cu a ningpi in a thawhter,” tiah a ti.
Jesuh nih cun, “Kei ka pennak cu hi vawlei ta hi a si lo; ka pennak cu hi vawlei ta hi rak si sehlaw cu, Judahmi nih an ka thlaih khawh nakhnga lo a ka zultu hna hi heh tiah an cawlcang ve hnga. Kei ka pennak cu hi vawlei ta hi a si lo,” tiah a ti.
Cucaah Pilat nih cun, “Siangpahrang cu tah na si kun maw?” tiah a hal.
Jesuh nih, “A si, na chim bangin Siangpahrang cu ka si.
Hi vawlei ah ka chuahchan le ka ratchannak cu biatak kong chim awkah a si. Biatak kha a hna a phih kanh lomi paoh nih cun ka bia kha an ngaih,” tiah a ti.