Jesuh nih cun, “Biatak kan chimh hna’ Moses nih a rak in pekmi hna kha cu vancung changreu kha a si lo, vancung changreu taktak an petu hna cu ka Pa hi a si.
Zeicahtiah Pathian pekmi changreu cu vancung in a run thlahmi hi a si i amah nih cun vawlei hi nunnak kha a pek,” tiah a ti hna.
Bawipa, cu changreu cu kan pe zungzal tuah, tiah an hal.
Jesuh nih cun, “Nunnak changreu cu keimah hi ka si. Ka sin i a rami cu ahohmanh an rawl a tam lai lo i keimah a ka zummi cu ahohmanh an ti a hal lai lo,” a ti.
“A ka thlahtu nih tuah seH ti a ka duhmi cu, a ka pekmi vialte kha pakhat hmanh thlau loin ni hmanung bik ni ah nunnak i an dihlakin thawhter dih kha a si.
Zeicahtiah Fapa kha a ka hmu i a ka zummi paoh cu ni hmanungbik ni ah nunnak i thawhter kha ka Pa duhmi cu a si,” a ti.
Vancung in a rung ttummi changreu cu keimah hi ka si.
Hi changreu a eimi paoh cu zungzal in an nung lai. Ka pekmi hna changreu cu ka sa hi a si.
Kei cu, nunnak kha an ngeih i duhdim tein an ngeih nakhnga caah ka ra.
Pathian duhnak kha nan duhnak nganbik i a chiami cu lunglawmmi nan va si dah, Pathian nih nan duhnak kha a tlinter lai.