Ka zawn nan ka ruahnak kha nan hun parter tthan caah Bawipa chungah hin kaa lawm hringhran.
Ka zawnruah kha nan rak ngol, ka ti duhnak a si lo, langhternak caan nan rak ngeih lo ca lawnglawng ah khan a rak si. Zeicahtiah ka ngeihmi paoh ah hin lungsi tein um kha ka thiam cang.
Herhbau in um kha zeidah a lawh ti ka hngalh, cun a hleihluat in ngeih kha zeidah a lawh ti zong kha ka hngalh. Cucaah khuazeika hmanh ah, zei tik caan paoh ah, ka paw a khim ah siseh, ka rawl a ttam ah siseh, tam tuk ka ngeih ah siseh, tlawm tuk ka ngeih ah siseh, lungsi hnangam tein um kha ka thiam cang.
Tthawnnak a ka petu Khrih thawngin thil zeipaoh ka tuah khawh ko hna.
Rungrul le cirik nih an ei khawh i mifir nih an baoh khawh i an fir khawhnak vawlei ah hin nan chaw va khong hlah u.
Rungrul le cirik nih an ei khawh i mifir nih an bauh i an fir khawh lonak, vancung tu ah khin nan chaw cu va khong u. Zeicahtiah nan chaw a umnak ah nan lung zong a um ve lai.
Cucaah khuazei in dah ka ei awk rawl cu ka hmuh lai, ka din awk cu ka hmuh lai, ka hnipuan cu ka hmuh lai, tiin lungrethei in um hlah ngat u;
Zeidang vialte nakin Pathian pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek tthiamthiam ko hna lai.
Cucaah thaizing nih lungretheinak cu a za in aa ngeih ve ko lai.
Ni khat nih a chuahpimi harnak cung i a dang chonh chih lengmang hi a herh lo.