Sabbath ni ah cun Nawlbia bangin an i din. Sihmanhsehlaw zarh khat chung i ni hmasa bik, Zarhpini, zingkate ah nu hna cu zihmui an timhmi kha i put in thlan ah khan an va kal.
Thlankhar lung a rak i thawn kha an hmuh i cucaah an vung lut colh, sihmanhselaw Jesuh ruak kha an hmu lo.
Cun Jesuh nih a thawh hna i, “Nan va hrut thiam dah! Profet nih a chimmi zumh kha nan vaa harh hringhran dah! Messiah nih hi thil vialte kha a sunparnak chung ia luh hlanah a in awk a herh a si lo maw?” tiah a ti.
Cun Jesuh nih, cathiang chungah, Moses cauk hna thawkin profet hna ttialmi cauk hna tiang, amah kong aa tialmi vialte kha fiang tein a chimh hna.
Bawipa Ni ah thlarau nih a ka tlak i ka hnulei in aw thawngpi pakhat kha ka theih, cu aw cu muko aw thawng bantuk a si.
Na hmuhmi kha ttial law na ttialmi cauk cu Khrihfabu pasarih kha kua hna, tiah a ti.
Amah cu ka hmuh tikah mithi bantukin a ke hramah ka tlu.
A orhlei kut in a vun ka tongh i, “Na thinphang hlah, kei cu hmasa bik le hmanung bik kha ka si. Kei cu a nunmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithi khua cungah nawl ka ngei, a ti. Cucaah na hmuhmi thil hna, atu i a um liomi thil hna le a um lai dingmi thil hna kha, ttial hna,” tiah a ka ti.