Annih nih an kal lengmang lioah khan pakhatpa nih a thawh i, Bawipa, na kalnak paoh ah kan zulh lai, tiah a ti.
Jesuh nih cun, “Cenghngia nih kua an ngei i vate nih bu an ngei, sihmanhsehlaw Mi Fapa cu riahnak hmun hmanh a ngei lo,” tiah a ti.
A dang pakhat cu a thawh i, “ka zul,” tiah a ti.
Sihmanhsehlaw cu pa nih cun, “Bawipa, ka pa kha va vui ta ning,” tiah a ti.
Jesuh nih cun a leh i, “Mithi nih cun an mithi kha va vui ko hna seh. Nang tu cu va kal law Pathian pennak kong kha va chim ko,” tiah a ti.
A dang pakhat nih a thawh ve i, “Bawipa, kan zulh lai, sihmanhsehlaw ka chung le kha dam tein va ti ta hna ning,” tiah a ti
Jesuh nih a leh i, “Ahohmanh leithuan aa ot i hnulei a zohpeng ttungmi cu Pathian pennak caah santlaihnak a ngei lo,” tiah a ti.
Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; Ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.
Ahohmnh a vailamtahnak kha aa put i ka hnu in a ka zul lomi cu ka mi si awk aa tlak lo.
Ahohmanh a nunnak humhak a duhmi nih cun a nunnak cu a sung lai i keimah ruangah a nunnak a sungmi nih cun a nunnakcu a hmuh lai.