A ni thumnak ni ah Biakinn chungah khan an va hmuh i cawnpiaktu Judahmi hna sinah khan a rak tthu i an bia kha a rak ngai i bia a rak hal len ve ko hna.
A bia a theimi paoh cu a fimning le a bialehning ah khan an khuaruah a har:
An va hmuh tikah a nu le a pa zong cu an khuaruah a har ve. A nu nih cun a thawh i, “Ka fa, zeicahdah hi bantukin na kan tuah? Na pa le na nu nih awlokchong in pei kan i kawl cu,” tiah a ti.
Annih cu, “Zeicadah nan ka kawl? Ka Pa inn ah ka um awk a si ti kha nan hngal lo maw?” tiah a ti hna.
Cutincun Jesuh cu an sinah Nazareth khua ah khan a kir i a nu le a pa kut tangah nawlngai tein a um. Hi thil vialte hi a nu nih a lung chungah aa ken dih.
Cun Jesuh cu pum lei in siseh, fimnak lei in siseh, a hung tthang i Pathian hmai le minung hmaiah mithmai ttha a hmu.
Jesuh vailam pawngte ah khan a nu le a nu nau Mari, Klopas nupi le Mari Magdalin kha an dir.
Cuka i a nu le a dawtmi a zultu an dir ko kha a vun hmuh hna i a nu cu, “Ka nu, khaka ah khan na fapa a um khah,” tiah a vun ti.
A dawtmi a zultu zong cu, khaka ah khan na nu a um khah, tiah a vun ti ve.
Cu caan thawk cun cu zultu nih cun Jesuh nu cu a inn ah a umter: