Cu caan ah cun a zultu hna kha a sinah an ra i, “Vancung Pennak ah ahodah a ngan bik?” tiah an hal.
Jesuh nih ngakchia pakhat a auh i an hmaiah a dirter i: “Nannih cu nan i thlen i ngakchia bantuk ah nan i can lo ahcun vancung pennak chungah nan lut bal lai lo. Vancung pengnak chung i a ngan bik cu mi toiah aa dor i ngakchia bantuk ah aa cangmi cu a si.
Cun ngakchia hi bantuk pakhatkhat kha ka min in nan conglawmh hna ah cun, keimah nan ka conglawmh a si.
Sihmanhsehlaw hi ngakchia tete pakhatkhat hi keimah an ka zumhnak in a pialtertu hna cu, an hngawng ah facang rialnak lungtum nganpi kha thlaih riangmang i rili chungah paih si hna sehlaw an caah a ttha deuh hnga,” a ti.
Mizeimaw nih ngakchia hna kha Jesuh sinah khan an ratpi hna i an cung i a kut chiah awk le thlacampiak hna awkah an nawl, sihmanhsehlaw a zultu nih khan an rak sik hna.
Jesuh nih cun aa thawh i, “Ngakchia cu ka sinah ra ko hna seh, dawn hna hlah u, zeicahtiah vancung pennak cu hi hna bantuk mi hna ta hi pei a si cu,” tiah a ti.
Cun an cungah a kut a chuan i an kal.
Jesuh cu a hung tthan i thlarau in a tthawngmi a si; Pathian hmai le minung hmaiah mithmai ttha a hmu.