Mi zeihmanh, Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang.
Keimah ah hin i peh u law kei zong nanmah he kaa peh ve ko lai. Mitsur nge nih a mahte in thei a tlai khawh lo i a ruang ah aa peh lawng ah a tlai khawh bantukin nannih zong keimah chung i nan um lo ahcun nan tlai kho ve lai lo.
Mitsurruang cu keimah hi ka si i a nge cu nanmah hi nan si. A hohmanh ka chungah a um i kei zong a chungah ka um ahucn amah cu thei tampi i tlai khomi cu a si, zeicahtiah keimah loin nan tuah khawhmi zeihmanh a um lo.
Ka chungah a um lomi cu mitsur nge car bantukin leng ah hlonh an si ko. Cu bantuk nge cu an pumh hna i mei ah an paih hna i cuka ah cun an khangh dih tawn hna.
Ka chung i nan um i ka bia kha nan chungah a hmunh ahcun, nan duhmi paoh kha nan ka hal lai i nan hmuh ko lai.
Nannih nih thei tampi nan tlai thawngin ka Pa sunparnak kha nan langhter i cuticun ka zultu i nan i canning cu a si.
Ka Pa nawlbia kha ka ngaih i a dawtnak chungah ka um bantukte hin ka nawlbia nan ngaih ahcun ka dawtnak chungah hin nan um ve lai.
Kei ka nawlbia cu hihi a si: Keimah nih kan dawt hna bantukte hin pakhat le pakhat i daw u ti hi a si.