Zeitindah kan nuncan a si ti kha tha tein i zoh u. Mihrut bantukin um hlah u, mifim bantukin um u. Atu kan nikhua hi caan chia a si caah caan tha nan hmuhmi paoh kha tha tein hman i zuam u.
Mihrut si hlah u, Bawipa nih tuah hna seh ti an duhmi hna tu kha tuah i zuam u.
Zu ri hlah u, zu cu nanmah rawktu lawnglawng a si ko; Thlarau tu khan khat deuh u. Ka chim duhmi cu hihi a si. Thlarau nih nan nunning kha lamhruai sehlaw nan minung sinak duhning kha zul hlah u.
Zeicahtiah kan minung sining nih a duhmi cu Thlarau nih a duhmi he khan aa ralchanh i Thlarau nih a duhmi cu kan minung sining nih a duhmi he khan a ralchanh. Annih pahnih cu ral an si, cu a sullam cu, tuah na duhmi kha na tuah kho lo, tinak a si.
Sihmanhsehlaw Thlarau nih a chuahtermi hna cu dawtnak, lawmhnak daihnak, lungsaunak, zaangfahnak, tthatnak, zumhawktlakmi sinak, toidornak le mah le mah i tei khawhnak te hna hi an si. Cu bantuk thil hna caah cun nawlbia zeihmanh a herh lo.
Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.
Thlarau nih nunnak a kan pek cang caah kan nunnak zong hi amah nih a uk awk a si.
Pathian biakinn nan si kha nan hngalh i Pathian Thlarau nan chung i a um zong kha nan hngalh. Cucaah ahohmanh nih Pathian biakinn cu a hrawh ahcun amah cu Pathian nih a hrawh ve lai. Zeicahtiah Pathian biakinn cu a thiangmi a si i nanmah hrimhrim hi cu biakinn cu nan si.