Jesuh cu a rak tlonlennak nazareth khua ah khan a kal i Sabbath ni ah cun hmasa i a rak tuah tawn bantuk khan pumhnak inn ah a kal. Cathiang rel awkah khan a hung dir i Profet Isaiah cazual kha an pek. Cazual cu a vun samh i;
Bawipa thlarau cu ka cungah a um; Sifakmi hna sin i thawngtha chim awkah chiti a ka thuh i saltaangmi hna sin i luatnak thanh awkah a ka thlawh. Mitcawmi hna sin i khuahmuh tthannak pek awk le hremmi hna luatter dingah a ka thlah; Bawipa nih a mi hna a khamh hna lai ding kum cu va thanh awkah a ka thlah, tiah aa ttialnak hmun kha a rel.
Jesuh nih cazual cu a zual tthan i a zohkhenhtu kha a pek tthan i a tthu. Pumhnak inn i a ummi vialte nih amah cu tthep loin an zoh.
Annih cu a thawh hna i: “Hika cathiang caang hi nannih nih ka rel tikah nan thieh bantukin nihin ni ah hin a tling cang,” tiah a ti.
An lung a hmuh ngaingai hna i bia dawhdawh a chimmi nih khan an khuaruah a harter dih hna.
An i thawh i, “Amah hi Josef fapa kha a si lo hlah i?” an ti.
Cun anih nih a thawh hna i, Profet cu amah cu chuahkehnak khua ah cun conglawmh a tong bal lo, a ti.
Aa ruangin:
Na ral cu a rawl a ttam ahcun rawl va pe, a ti a hal ahcun ti va pe; cu ti na tuahnak cun a lu cungah mei ttil na chonh a si lai. Tthatlonak kha i teiter hlah u, tthatnak tu in tthatlonak kha tei i zuam u.