Jesuh nih a thawh hna i, “Nannih tah, aho a si, nan ka ti dah?” tiah a hal hna. Simon Piter nih a leh i, “A nunmi Pathian Fapa Messiah kha na si,” tiah a ti.
Jesuh nih cun, “Johan fapa Simon, mi vanttha ngaingai na si. Zeicahtiah hi baitak cu minung sinin na hngalhmi a si lo i vancung i aummi ka Pa nih an pekmi a si.
Cucaah cun nang cu, lungtum Piter na si, kan ti. Cun hi lungpi cungah hin ka Khrihfabu hram cu ka bunh lai i cucu thihnak hmanh nih a tei kho lai lo.
Vancung pennak hunnak tawhfung cu kan pek lai i vawlei cung i na hrenhmi cu vancung zongah hrenh a si lai,” tiah a ti.
Cun khua thiang, Jerusalem thar kha, Pathian sinin vancung in a rung ttum kha ka hmuh, va ngei lai ngaknu nih a va ding ton awkah aa ttamh bantuk khin aa ttamh.
Bawi tthutdan in aw thangpi pakhat ka theih i, Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.
An mitthli vialte kha a hnawh dih hna lai. Thihnak a um ti lai lo, ngaihchiatnak le ttahnak le fahnak zong a um ti lai lo. Thil hlun vialte cu an lo dih cang, tiah a ti.
Aa ruangin:
Thlarua le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.