Hi cawnpiaknak hi cawnpiak chin hna law nan zulh awk a si, ti hna. Na kum a no ruangah a hohmanh nih in zawmhtiah hna hlah seh.
Sihmanhsehlaw na biachim, na holhrel ah siseh, na ziaza ah siseh, dawtnak, zumhnak le thiannak na ngeihmi ah siseh, zumtu hna caah tahchunh awk tlak va si ko.
Mizapi kha, ka rat hlantiang cathiang kha rak relpiak lengmang hna, phung kha rak chim lengmang hna law rak cawnpiak lengmang hna.
Upa hna nih na cung i an kut an chuan tikah na hmuhmi thlarau laksawng kha hlothlau hlah.
Na thannak kha mi vialte nih an hmuh nakhnga cu thil cu ralring te le teima tein tuah lengmang ko hna.
Nangmah kha tha tein i ralring law na cawnpiaknak zong kha i ralring fawn.
Cun nangmah naa khamh hleiah na bia a theimi kha na khamh khawh hna nakhnga hi thil hi ngol loin tuah lengmang ko hna.
Bawipa nih pakhat le pakhat nan i dawtnak le mi vialte nan dawt hna nak kha thanter sehlaw kanmah nih kan in dawt hna tluk in nganter hram ko seh.
Cutincun nan lung kha in thawnter hna sehlaw kan Bawipa Jesuh cu a mi vialte hna he a rat tikah Bawipa kan Pathian hmaiah mitling le mithiang nan si lai.
Aa ruangin:
Daihnak a kan petu Pathian nih cun amah ta ah in ser hna sehlaw nan siningpi in, nan thlarau, nan nunnak le nan pum he, kan Bawipa Jesuh rat ni ah cun palhnak um loin in chia hna seh.