Moses nih dar rul kha these rem lakah a tar bantuk khan Mi Fapa zong hi tar a si ve lai, cucaah cun amah a zummi paoh cu an thi lai lo, zungzal nunnak an ngei lai.
Cuticun Pathian nih vawlei hi a dawt hringhran caah a Fapa ngeihchunte kha a pek; cucaah amah a zummi paoh cu an thi lai lo zungzal nunnak an ngei lai.
Zeicatiah Pathian nih a Fapa cu vawlei cungah hin vawlei biaceihtu si awkah a run thlah tung lo, vawlei khamhtu si awk tu ah pei a run thlah cu.
Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo.
Jesuh nih Martha cu, na ta cu a tho than lai a ti.
Martha nih cun: “Asi, a tho than lai ti cu ka hngalh ko, sihmanhsehlaw ni hmanung bik thawhthannak ah pei a si ko lai cu,” tiah a leh.
Jesuh nih Martha cu, “Keimah hi thawhthannak le nunnak cu ka si. Keimah a ka zummi paoh cu a thih hmanh thi sehlaw a nung than lai. Cun a hohmanh nung i keimah kha a ka zummi cu an thi bal lai lo. Hihi na zum maw?” a ti.
Marta nih, “Asi, ka zumh Bawipa, nangmah cu Pathian Fapa Messiah, vawleicung i a rung ding cu na si ti kha ka zumh,” tiah a leh.