Jesuh nih, “Keimah hi lam le biatak le nunnak cu ka si, keimah sinin dah ti lo cun ahohmanh Pa sin an phan kho lai,” a ti.
Filip nih, Bawipa, na Pa cu kan hmuhsak law cu vial cu kan herhmi a si ko, tiah a ti.
Jesuh nih, “Nan sinah saupi ka um ko cang, asinain nan ka hngal rih lo maw, Filip? Keimah a ka hmutu paoh nih cun ka Pa kha a hmuh ve ko, cucaah zeicahdah na Pa cu kan hmuhsawk, na ka ti?
Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawk tung lo, ka chung i a ummi ka Pa rian tuannak pei an si cu.
Ka Pa chungah ka um i ka Pa cu ka chungah a um kha zum ko u. Cucu nan zumh khawh lo a si le hi thil ka tuahmi hna ruang tal ah hin zum ko u.
Biatak kan chimh hna: Keimah a ka zummi paoh nih ka tuahmi thil hi an tuah khawh ve lai, hi hna nakin a ngan deuhmi hmanh an tuah khawh hna lai; zeicah ti ahcun, ka Pa sinah ka kal lai caah a si
Pa sunparnak cu Fapa thawngin a langh khawh nakhnga ka min in nan halmi paoh cu kan tuahpiak hna lai. Zei paoh ka min in nan ka hal ahcun ka tuah lai,” tiah a ti.
Nan ka dawt ahcun ka nawlbia kha nan zulh lai. Ka nawlbia kha a cohlang i a zulmi paoh cu a ka dawmi an si. A ka dawmi cu ka Pa nih a dawt ve hna lai; kei zong nih ka dawt ve hna lai i an sinah kaa phuang lai, a ti.