Fimnak a baumi nan um ahcun, Pathian sinah thlacam sehlaw Pathian nih a pek ko lai; Pathian nih cun aho paoh kha zaangfah ngai le siang ngaiin a pek ko hna.
Asinain thla nan cam tikah lung awtawm lo tein nan zumh hrimhrim lai. Lung awtawm in a ummi cu thlichia nih a choihmi tilet bantuk a si.
Cu bantuk mi nih cun, ka halmi kha Pathian nih a ka pek lai tiah a ruah awk a si lo; lungawtawm in a ummi cu an i tinhmi ah khan an kal ciahmah kho bal lo.
Cucaah hi ka bia a thei i a zulmi cu, lung cungah a inn a sami mifim pa bantuk a si.
Ruah a sur, ti a lian, thlitu nih fak piin a hranh; sihmanhsehlaw lung cung i sakmi a si caah khan a pur lo.
Sihmanhsehlaw hi ka bia a thei i a zul lomi cu thetse cungah a inn a sami mihrutpa bantuk a si.
Ruah a sur, ti a lian, thlitu nih fak piin a hranh i a pur, rawk cikcek in a tlu.
Bawipa, Bawipa, a ka timi paoh nih vancung pennak chungah an lut dih lai tinak a si lo; sihmanhsehlaw vancung i a ummi ka Pa nih tuah hna seh ti a duhmi a tuahmi lawnglawng kha an lut lai.