Rethei le thilritmi vialte hna ka sinah ra tuah u, dinhnak kha kan pek hna lai.
Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai. Ka seihnam cu a bei a nuam i ka thil zong a zaang, tiah a ti.
Atu cu Khrih Jesuh he i pehtlai in a nungmi hna caah cun sualphawtnak a um ti lo.
Zeicahtiah Khrih Jesuh he aa pehtlaimi nunnak a kan petu Thlarau phung nih cun sualnak le thihnak phung chung khan a kan luatter cang.
An minung sining nih tuah u, a ti hna ning paoh in a nungmi cu minung sining nih a duhmi nih khan an lungthin cu a uk hna. Thlarau nih a chimh hna ningin a nungmi cu Thlarau nih a duhmi nih khan an lungthin cu a uk hna.
Nan lungthin cu minung sining nih a uk ahcun, a phichuak cu thihnak a si; nan lungthin cu Thlarau nih a uk ahcun, a phichuak cu nunnak le daihnak a si.
Pathian Thlarau a ngei lomi cu Khrih ta an si lo.
Sihmanhsehlaw Khrih cu nan chung i a nun ahcun sualnak ruangah nan pum cu thi hmanh hna sehlaw nannih cu Pathian he nan i rem cang caah Thlarau cu nan caah nunnak a si.