A hramthawk tein nan rak theih lengmangmi bia cu hihi a si: pakhat le pakhat kan i daw lai, ti hi.
Ka fale hna, dawtnak hi Pathian sinin a rami a si caah pakhat le pakhat i daw u sih. Pakhat le pakhat aa dawmi cu Pathian fa an si i Pathian kha an hngalh.
Pakhat le pakhat aa daw lomi nih cun Pathian kha an hngal lo, zeicahtiah Pathian cu dawtnak a si.
Mi zeimaw nih, Pathian ka daw, a ti i a unau a huat tung ahcun amah cu milihchim a si.
Zeicahtiah a hmuhmi a unau hmanh a dawt khawh lo ahcun a hmuh lomi Pathian chinchin cu a daw kho lai lo.
Vawlei hi siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun Pathian dawtnak kha nan chungah a um kho lai lo.
Cucaah vawleicung mi nih an in huat hna ahcun nan khuaruahhar hlah u,
Thihnak kha kan kaltak cang i nunnak chungah kan lut cang ti kan hngalhnak cu pakhat le pakhat kan i dawt hna caah hin a si. A unau a daw lomi hna paoh cu thihnak chungah khan a um ko rih.
Mi nih a hawile caah dawtnak ngan bik a ngeih khawhmi cu an ca i a nunnak pek hi a si.
Nawlbia thar kan pek hna: Pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a s i. Pakhat le pakhat nan zawn nan i ruah ahcun mi vialte nih hi hna hi amah zultu kha an si tiah an in hngalh hna lai, tiah a ti hna.