Hi tluk in vanraang zat in a tammi tehte bu nih an kan kulh.
Cucaah cun lam a kan dawntu til paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.
Pathian Thlarau nih a hruaimi hna cu Pathian fale an si.
Pathian nih an pekmi hna Thlarau cu Pathian fa ah a kan sertu ding tu kha a si i amah nih cun Pathian kha, Ka Pa, Ka Pa, tiah a kan auhter khawh. Cu ti kan aunak ahcun Pathian thlarau le kan thlarau cu hmunkhat ah an i fon i Pathian fa kan si kha tehte an khan, fa kan si ahcun rocotu zong kan si colh.
Cu hnu ahcun khua ka hun zoh i mibu nganpi, ahohmanh nih a rel in rel cawk lomi khi ka hmuh hna.
Annih cu miphun kip, ram kip, holh kip, le hrin kip chungin a rami an si i bawi tthutdan hmaiah an dir i chun zaan in biakinn chungah a rian kha an ttuan; Bawi tthutdan cung i a tthumi nih khan a umpi hna i a ven hna.
Hi mi hna hi hremnak nganpi a ingmi kha an si; Tuufa thi chungah an puan kha a suk i an puan cu an vaar cang.
Cucaah cun Pathian Bawi tthutdan hmaiah an dir i chun zaan in biakinn chungah a rian kha an ttuan; Bawi tthutdan cung i a tthumi nih khan a umpi hna i a ven hna,
Annnih cu an ti a haal in an rawl a ttam ti lai lo:
Zeicahiah Bawi tthutdan laifang i a ummi Tuufa kha an tuukhal a si lai i cerh tiput kamah a kalpi hna lai; cun Pathian nih an mitthli vialte kha a hnawhpiak dih hna lai.