Elizabeth pumlawnglo in a um thla ruknak ah, Pathian nih Vancungmi Gabriel cu Galiliram khua pakhat Nazareth timi ah cun a thlah. Siangpahrang David hrinsor a simipa Josef an timi he kan i thi lai tiah bia aa kammi ngaknu kha bia na va chim lai tiah a fial. Cu ngaknu cu a min ah Mari asi.
Vancungmi kha a sinah cun a ra i, “Na cungah daihnak um ko seh; Bawipa cu na sin ah a umi thluachuahnak tampi in an pek,” tiah a ti.
“Mari, na thinphang hlah, zeicahtiah Pathian nih nangmah cu vel an ngeih, Nau na pawi lai i fapa na hrin lai i a min ah Jesuh na sak lai. Amah cu mi lianngan asi lai i Cung Nung Bik Pathian Fapa tiah khawh asi lai. Amah a hringsortu Siangpahrang David bawithutdan kha Pathian nih amah cu a pek i a pennak cu zeitikhmanh ah a dong lai lo,” tiah a ti.
Mari nih aa thawhi, “Thanh tuah ka lungthin, Bawipa lianngannak cu lawm tuah, ka nunak, Bawipa na khamhtu cung ah. A salnu hi hi tluk minauta ka si nain a ka philh lo. Nihin thawk in hmailei ah cun mi vialtenih, thluachuak nu an ka ti lai.”
Bawipa, a thawng mi Pathian nih ka cungah khuaruahhar tuk in rian a tuan.
Amah a tihmi vialte kha chan khat hnu chan khat in a zaangfah hna a thawngmi a ban kha a samh i mi ruamkai hna kha an khuakkhanmi he a thek dih hna, Siangpahrang thawngthawng kha an bawithutdan cungin a thumh hna i,
Mi nauta kha a cawi hna,
Aa ruangin;
Kan pupa hna sinah a sermi a biakamnak kha a zulh hna; a sal Isarael kha bawmh awkah a ra i Abraham le a tefa vialte hna sinah zungzal in zaangfahnak langhter ding kha a philh lo.