Jesuh cu, Jedearam Bethlehnem khua ah, Herod siangpahrang bawi asi lio ah khan a chuak.
A chuah tlawmpal ah cun arfi zohthiammi hna kha nichuahlei in Jerusalem khua ah khan an ra i, “Judah siangpahrang a si lai dingmi ngakchia a chuakmi cu khuazei ah dah a um? A arfi nichuahlei in a chuak kha kan hmuh i amah biak awkah cun kan ra,” tiah an ti.
Cu bia cu Siangpahrang Herod nih a theih tikah a awlok a chong ngaingai i cu bantuk cun Jerusalem khuami vialte hna zong kha an si ve. Tlangbawi upa vialte hna le Phungbia cawnpiaktu saya hna kha a pumh hna i, “Khuazei ah dah Messiah cu a chuah lai” tiah a hal hna.
Annih nih, “Judearam Bethlehem khua ah,” tiah an leh. Cun Profet nih a rak tialmi cu hihi asi: ‘Judearam ummi Bethlehem khua, nangmah cu Judahram khuapi hna lakah a hme bik na si naisai lo; Zeicatiah nangmah chun hin hruaitu pakhat, ka mi Israelmi hna tuukhal asi ding mi cu, a chuak lai,” ati.
Inn Chungah khan an vung lut i ngakchia kha a nu Mari sinah cun an vung hmuh. An khuk an i bil i an biak. Cun an zal chung khan laksawng an i chuah i an pek; cun an laksawng cu sui le Frankinsen zihmui le Mura zihhmui an si.
Aa ruangin:
Bawipa, Israel Pathian cu thangthat u si, a mi hna bawmh awkah a ra cang i a luatter cang hna. Kan Caah a thawngmi khamhtu kha a chuahter cang.