“Bawipa, a thawngmi Pathian nih ka cung ah khuaruahhar tuk in rian a tuan.A Min cu a thiang.
A min ah Jesuh na sak lai,zeicahtiah a mi hna kha an sualnak chung in a khamh hna lai.
Moses nih dar rul kha thetse ram ah a tar bantuk khan, Mi Fapa zong hi tar a si ve lai.
Cucaah amah a zummi poah nih zungzal nunnak an ngei lai. Zeicahtiah cun Pathian nih a Fapa cu vawleicung ah hin biaceihtu si awkah a run thlah tung lo, Vawlei khamhtu si awkah pei a run thlah cu.
Cutincun Pathin nih vawilei hi a dawt hringhran caah a Fapa ngeihchunte kha a pek; cucaah amah a zummi paoh cu an thi lai lo, Zungzal nunnak an ngei lai.
Mifir cu fir duh le thah duh le hrawh duh lawng ah an ra. Kei cu nunnak kha duhdim tein an ngeih nakhnga caah ka ra. Mi Fapa cu a tlaumi kawl awk le khamh awkah a ra.
Cun an lungthin kha a hnun pemh hna i Cathiang sullam kha an hun hngalh. Annih cu a thawh hna i, “Messiah nih cun sifahnak kha a in lai i nithumnak ni ah thihnak in a tho than lai,” tiah a ti.
Cun a mah min in sual ngaihchihnak le sual ngaihthiamnak kong kha Jerusalem Khua in i thawk in miphun vialte hna sinah chim asi lai, tiah aa tial,” tiah a ti hna.