Doh is Ab
1. Jesuh ka vailam i put in, Zeizong kaltak in kan zulh, Rethei sifak sihmanh ning law, Nang cu ka ta na si cang. Vawlei cung sunpar lianh-ngannak, Kaa ruahchanmi a lo cang, Si-na-seh zeitluk in ka rum, Pathian cu ka ta a si.
2. Vawlei sunpar, ka kal tak seh, Khamhbawi zong a rak kaltak, Mi lung le hmai nih an ka hlen, Sihmanhseh nang cu na ding. Maw ka Pathian, fimnak Bawipa, Ral nih an ka huat zongah, Ka cungah na hmai tlanter law, Zeizong te a ceu ko lai.
3. Sifah retheih ing hmanhning law, Nangmah kha kan naih chin lai, Harnak zong nih ka tlunh hmanh seh, Dinhnak nuam chin ka hmuh lai. Nangmah ka sin na um ahcun, Ngaihchiat nih a ka tei lo, Nang ka sin na um lo ahcun, Lawmhnak zong a thahnem lo.
4. Vel-ngeihnak in sunparnak ah, Zumh le thlacam in kal tuah, Zungzal vancung khua na phak tiang, Bawipa kut nih an hruai lai. Leicung na rian a dih zau lai; Na khual-tlawnnak ni hna zong; Ruahchannak cu lunglawmhnak ah, Thlacam cu thangthatnak ah.