Doh is G
1. Hlan lioah David khua chungah, Caw inn pakhat a rak um, Cu ka caw rawleinak kuang ah Mary nih a fa a thlim, Bawi Jesuh nun nem bik te, Cawkuang chungah a hngilh ko.
2. Van in vawlei ah a rung tum, Pathian zeizong te Bawipa, Bethlehem cawinn ah a chuak Cawkuang chungah khan an thlim, Rethei sifak mi sinah, Thiang tein leiah a nung.
3. Ngakchia a rak si lio vialte, A nu a rak pomtu kha, A dawt i a hmaizah ngaingai tha tein a zohkhenh fawn, Kannih ngakchia vialte hi, Amah bang si awk kan si.
4. A donghnak bik ah kan hmuh lai, Amah nih a kan dawt ca’h, Kha lungnemmi ngakchia te kha, Van ah khin kan Bawi a si, A umnak vanram nuam ah, A fale a kan hruai lai.
5. Caw inn chungah si ti loin, Sunparnak vancung khua ah, Pathian orhlei kam ah thu in, Kan hmuh lai, lianhngannak he, A fale cu arfi bang, Kan ceu lai, a kiang vel ah.